ജീവന്റെ ഊർജം നീ നൽകി,വെള്ളവും ഭോജനവും
വായുവും നീ നൽകി .
ഇതാ, നന്ദിയോടെ,
എന്നിൽ അവക്ക് ഞാൻ പുതിയ മാനമേകി.
___________
ജീവിതത്തിനാനന്ദവും,
ദിനമൊന്നൊന്നായ് ജീവിക്കാൻ
കരുത്തും നീ നൽകി.
നിന്റെ കരം പിടിച്ചു
അവക്കും ഞാൻ ജീവന്റെ പുതുമ നൽകി.
______________
അനേകരിലെ പ്രചോദനങ്ങളിലൂടെ കേട്ടതൊക്കെയും
ഒരുവേള ഗ്രന്ഥമായി.
അക്ഷരത്താഴിട്ടുപൂട്ടി
പുസ്തകത്താളുകളിൽ വചനം ഞാൻ കുഴിച്ചു വച്ചു;
കേടുപറ്റുകയോ, കവർന്നുപോകയോ അരുതല്ലോ.
പൂട്ടപ്പെട്ട അക്ഷരങ്ങൾ ചിതലായി, കടന്നലായി
സിരകളിൽ വിഷമായി, ഹൃത്തിൽ ദംശനമായി
___________
ജീവന്റെ അരുവികളിൽ,
ചുടുകാറ്റിൽ, ഋതുക്കളിൽ
നീ ഹൃദ്യമായി മന്ത്രിച്ചുകൊണ്ടിരുന്നു.
